АНУ-ын иргэн 25 настай эмэгтэй К-аас денгийн чичрэг өвчний халдвар илэрчээ. Тэрээр Индонез улсаар аялж, гуравдугаар сарын 22-нд Монгол улсад ирсэн байна. Өвчтөн халуурсан, суулгасан зовиуртай, хордлогын шинжтэйгээр “СОС Медика Монголия” эмнэлэгт хүргэгдэн, тус эмнэлгээс Зоонозын өвчин судлалын үндэсний төвийн лабораторид сорьц илгээж шинжлүүлжээ. Шинжилгээгээр денгийн чичрэг өвчин болохыг тогтоосон байна. Одоогоор нарийн шинжилгээ, эмчилгээ хийж эхлээд байгаа аж. Дэлхийн эрүүл мэндийн байгууллагын мэдээлснээр уг өвчнөөр жил бүр 250 сая хүн өвчилж, нэг сая гаруй хүн нас бардаг байна. Уг өвчин нь халуун бүсийн орнуудад ихэвчлэн гардаг бөгөөд шумуулаар дамжин халдварладаг юм.
А.САЯН
