Ингэж Дэлхийн банкны Монгол дахь суурин төлөөлөгч Жеймс Андерсон анхаарууллаа. Энэ үгийг Монгол улсын нэрийн өмнөөс зээл тавиад байгаа Ч.Сайханбилэг, түүний дараа гарах ерөнхий сайд нарт угтал болгон хэллээ гэж ойлгож болно.
Зээл, зээл, зээл гэсэн бодлогоор улс орны эдийн засгийг удирдаж болохгүй. Зээл авах зөв ч, төлж чадахгүй бол өр болно. Тиймээс ч эргэн төлөлтийг санах л хэрэгтэй.
"Эхний эргэн төлөлтийг 2017-2018 оны орлогоосоо төлнө гэвэл Монгол улсын төсөв тэр чигээрээ явах болно. Аливаа улс гадаадын зах зээлээс их хамааралтай болох нь эдийн засгийг маш эмзэг болгодог. Өр, зээлийн хүү, ханшаа нөлөөлөл хамтдаа яригддаг гэдгийг анхаарвал зохино. Тиймээс шинээр бүрэлдэх засгийн газарт амаргүй байх нь ойлгомжтой"
гэж Монголын эдийн засгийн ойрын жилийн төлөвийг мөн тодорхойллоо. Ийм л эдийн засагтай улс орон болжээ, Монгол орон маань. Дэндүү хамааралтай, бас дэндүү эмзэг.
Суурин төлөөлөгчийн бас ; Зөвхөн гадаадын хөрөнгө оруулагчид ч бодлогын тогтвортой байдлыг нэхээд байгаа юм биш. Дотоодын хөрөнгө оруулагчид ч тогтвортой байдлыг хүсч байгаа гэж анхаарууллаа. Энэ бол бизнесийн тогтвортой орчин Монголд бүрэн бүрэлдээгүй байна гэж орчуулж болохоор шүүмжлэл хэлсэн юм. Тиймээс Монголчуудад хийх зүйл их байна. Дэлхийн банкны өгч байгаа бас нэг зөвлөгөө бол, эдийн засгийг солонгоруулах, ялангуяа, хөдөө аж ахуй, тэр дундаа газар тариалан, мал аж ахуйгаа эрчимтэй хөгжүүлэх, тэр талын бүтээгдэхүүнээ экспортлох шаардлагатай байгааг онцоллоо.
Гэхдээ бодлого, шийдвэр, хэрэгжилт гээд бүх шатандаа хийхгүй байхын чухлыг ч хэлэхээ мартсангүй, Жеймс Андерсон.
Ц.БАТТУЯА
