Өнгөрсөн амралтын өдрүүдэд “Нью свийт фүүдс" компанийн үйлдвэрлэсэн эклер идэж хордсон 32 хүн ХӨСҮТ-д хандсан талаар бид өмнө мэдээлж байсан.
Тэгвэл энэ тоо өнөөдрийн байдлаар 129 болж нэмэгджээ. ХӨСҮТ-д одоогоор 79 хүн хэвтэн эмчлүүлж байгаа бөгөөд иргэдэд анхааруулахад дээрх бүтээгдэхүүнийг хэрэглэж, хордсон хүн халуурах, дотор муухайрах, хар ногоон өнгөтэй усархагаар суулгах шинж тэмдэг илэрдэг байна.
Иймд Нийслэлийн мэргэжлийн хяналтын газрын Эрүүл ахуйн халдвар хамгааллын ахлах байцаагч Ш.Одончимэг иргэдийг эклер болон кремтэй бүтээгдэхүүнийг хэрэглэхгүй байхыг анхааруулж байна. Тус бүтээгдэхүүн нь 1100 гаруй үйлдвэрлэгдсэнээс 736 нь борлуулагдсан байна.
А.САЯН
