Эрүүл мэндийн дэд сайд асан Ж.Амарсанаа коронавирусийн голомт нутаг болох Хятадын Ухань хот руу сайн дурын эмчээр ажиллахаар болжээ. Тэрээр хоёрдугаар сарын 2-ны өдөр урд хөршийг зорих бөгөөд баг бүрдүүлэн хамт явахыг залуу эмч, мэргэжилтнүүддээ уриалж байна.
Ж.Амарсанаа: Вирусийн тархалттай тэмцэх нь гал унтраах төдий ажиллагаа бөгөөд, тухайн вирусийн голомтыг устгахад, тангараг өргөсөн эмч хүний хувьд өөрийн мэдлэг, чадвараар бага ч гэсэн хувь нэмэр оруулж, Монгол эмч нар мэдлэг чадвартай, зоригтой, сэтгэлтэй гэдгийг харуулах болно. Би насаараа вирустэй “ноцолдож” байна , ажлын туршлага ч байна. Тиймээс залуу эмч нараа ч мөн энэ ажилдаа уриалж байна. Одоогоор5-6 эмч “хамт явъя” гэж холбогдлоо. Арваад эмчтэй нэг баг байхад болно гэж бодож байна хэмээлээ.
Э.Сувдаа