ЭМЯ-аас корона вирусын талаар цаг үеийн асуудлаар мэдэгдэл хийлээ. Хоёр хоногийн өмнө (1.28) ХӨСҮТ-д сэжигтэй 14 тохиолдол бүртгэгдэж иргэдийг тусгаарлан шинжилгээнд оруулсан. Шинжилгээний бүх хариу сөрөг гарсан бөгөөд одоогоор Монголд корона вирусын тохиолдол илрээгүйг албан ёсоор мэдэгдлээ. Мөн ЭМЯ-ны сайд Д.Сарангэрэл ДЭМБ-д нэмж оношлуур авах хүсэлтээ илгээсэн бөгөөд ойрын гурван хоногт 2500-3000 оношлуур ирнэ. Түүнчлэн ХӨСҮТ-д халуурсан шинж тэмдэг бүхий дөрвөн иргэн тусгаарлагдсан байгаа бөгөөд “Шинжилгээний хариу маргааш гарна” гэдгийг мэдээллээ.
Э.Сувдаа
