Хятадын Хятадын Шинжлэх Ухааны Академи, Цэргийн Анагаахын Шинжлэх Ухааны Академи болон Ухань дахь вирус судлалын хүрээлэнгийн эрдэмтэд коронавирус (2019-nCov)-ийг эсийн төвшинд хангалттай сайн дарах гурван ч эмийг нээжээ. Үр дүнг нь туршилтаар тогтоосон талаар коронавирусийн голомт Хубей мужийн "Хубей" ѳдѳр тутмын сонинд мэдээллээ. Ремдесивир, Хлорокин, Ритонавир гэж нэрлэсэн эдгээр гурван эмийг эмнэлзүйн ѳргѳн хэрэглээнд нэвтрүүлэхийн тулд зохих зөвшөөрлүүдийг холбогдох байгууллагаас авах л үлдсэн аж. Хятадын нэрт вирус судлаач Ши Жэнглигийн удирдсан эрдэмтдийн баг “2019-nCov” вирус нь сарьсан багваахайгаас үүдэлтэй байж болзошгүй гэж мэдэгдсэн юм. Учир нь шинэ төрлийн коронвирусийн генийн дарааллыг судлахад сарьсан багваахайн генийн дараалалтай 96 хувь таарч байгаа аж. Энэхүү хамгийн сүүлийн үеийн нээлт нь вирусийн гарал үүсэл болон тархах замыг судлах маш чухал нотолгоо болох боломжтой. Эх сурвалж: Синьхуа агентлаг
