Гадаад харилцааны яамны Консулын газрын дарга Л.Мөнхтүшиг - Ухань хотод сурч буй 33 оюутан, иргэдийг авчрахаар ажиллаж байна. Тэд бүгд эх орондоо нэн яаралтай ирэх хүсэлтээ бидэнд ирүүлсэн.Ухань дахь монгол оюутнуудыг нэн даруй татах хүсэлтийг 2020 оны нэгдүгээр сарын 27-нд дипломат шугамаар Хятадын талд мэдэгдсэн. Оюутнаас гадна нийтдээ 56 монгол иргэнээ авчрах юм. Тусгай рэйсийн онгоц, тэнд ажиллах баг, иргэдийг онгоцонд суулгахаас өмнө бэлтгэх зүйлсийг нэгбүрчилэн анхаарч, бэлтгэлээ базаасан. МИАТ компани нислэг хийхэд бэлэн. Хятадын Засгийн газрын зѳвшѳѳрлийг л хүлээж байна. Хятадын Цагаан сар дуусч хил нээж буй. 1000 гаруй монгол иргэн Эрээн, Хөх хот дэх консулын газарт хандаж, эх орондоо буцах хүсэлтээ илэрхийлсэн байгаа. Тэднийг Бээжин, Хөх хот, Эрээний консулын газартай ярилцаж тусгай зориулалтын автобус илгээж эх орондоо авчирна. Иргэд, оюутнаа авчрах тээврийн хэрэгслийн эрүүл ахуйг хангахад нийтдээ 900 сая тѳгрѳг шаардагдаж буй. Үүнийг улсын тѳсвѳѳс гаргах болсон гэж тэрбээр тодотголоо. Тэгвэл вирусын голомтонд Амарсанаа тэргүүтэй 20 монгол эмч ажилласан тохиолдолд тэднийг эх орондоо эргүүлэн авчрахад тэр хэмжээний зардал дахин нэхэгдэх магадлалтай.
Э.ОТГОО
