НИЙСЛЭЛИЙН ЭХ, ХҮҮХДИЙН ЭМНЭЛГИЙГ ЗУРГАДУГААР САРД БАГТААН АШИГЛАЛТАД ОРУУЛНА

2020-04-11  

Эрүүл мэндийн сайд Д.Сарангэрэл, Нийслэлийн Засаг дарга бөгөөд Улаанбаатар хотын Захирагч С.Амарсайхан, Нийслэлийн Эрүүл мэндийн газрын дарга Л.Төмөрбаатар нар өнөөдөр Нийслэлийн эх, хүүхдийн эмнэлгийн барилгын ажлын явцтай танилцаж, зарим асуудлыг шийдвэрлэлээ.

Монгол Улсын Засгийн газраас тус эмнэлгийн барилгын санхүүжилтийг улсын төсөвт суулгаж шийдвэрлэсэн бөгөөд шаардлагатай тоног төхөөрөмжийн санхүүжилтийг мөн Дэлхийн банкны хөнгөлөлттэй зээлэнд хамруулж, Сангийн яам болон Эрүүл мэндийн яамтай хамтарсан гэрээ байгуулсан байна.

Энэ хүрээнд 10 орчим сая ам.долларын өртөг бүхий эмнэлгийн тоног төхөөрөмж, тавилга хогшлоор хангах асуудал уг гэрээнд тусгагдсан байна.

Нийт 32.250 м2 талбайтай, 2.4 га газарт гадна тохижилтын ажил хийгдсэн, 300 гаруй автомашины зогсоол бүхий Нийслэлийн эх хүүхдийн эмнэлэг нь 880 өрөөтэй, төрөх эмэгтэйчүүдийн 160, хүүхдийн 140 ортойгоор үйл ажиллагаа явуулах юм.

Түүнчлэн тус эмнэлэг нь коронавируст “Ковид-19” халдварын үеийн бэлэн байдлыг хангах чиглэлээр 1600 хүртэл ор дэлгэж, тусгаарлах байр болон эмнэлгийн тусламж, үйлчилгээг үзүүлэх боломжтой ажээ.

Салбарын сайд болон нийслэлийн удирдлагуудын зүгээс эмнэлгийн барилгын ажлыг эрчимжүүлэх үүрэг даалгавар өгсөн бөгөөд ирэх зургадугаар сард багтаан үе шаттайгаар ашиглалтад оруулахаар төлөвлөж байна.

 

НИЙСЛЭЛИЙН ЭРҮҮЛ МЭНДИЙН ГАЗАР

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТАНД ЭНЭ ЖИЛИЙН УИХ-Н СОНГУУЛЬ ЧУХАЛ УУ?