Герман улсад маскийг хэрхэн хэрэглэж, ямар бодлого баримталж буйг дурдая.
Нэг: Герман улс БНХАУ-аас нэг маскийг 1(нэг) цэнтээр захиалж хийлгэж байна. Ѳөрсдөө татаж авч буй. Мэдээж гаалийн татваргүй. 150 саяыг татсан гэсэн тоог Германы Эрүүл мэндийн сайд нь хэлсэн.
Хоёр: Энэ маск нь зөвхөн эмнэлгийн ажилчдад зориулсан хамгаалах "ногоон" маск.
Гурав: Энэ маск нь "СЭ" гэсэн евростандартыг хангасан байх шаардлагатай тул илгээхээс нь ѳмнѳ шалгаж, нягтлах зорилгоор Бээжин хотод энэ стандартыг нь шалгадаг газар нээжээ.
Дѳрѳв: Германд ирсэн маск нь зөвхөн бөөний худалдааны төвөөр дамжиж, бидний гар дээр ирдэг. Тиймээс тэд энэ маскандаа баталгаа гаргадаг. Мөн л евростандарт.
Тав: Өнөөдрийн байдлаар бүх нийтийн маск зүүх шийдвэр гараагүй. Удирдагчид нь ухаалаг хүмүүс учир нэгэнт маскаар бүрэн хангаагүй байж тийм шийдвэр гаргахгүй.
Зургаа: Германд маскний үйлдвэр нээвэл х40 сая еврогийн буцалтгүй санхүүгийг эх үүсвэрийн тусламж өгнө гэж Сангийн сайд нь хэллээ.Гэхдээ жилдээ .... сая маск тасалдалгүй хийх болзолтой..
Долоо: Коронагаас хамгаалах гол зарчим өнөөдрийн байдлаар: Хөл хорио, олон нийтийн газар ѳѳр хоорондоо хоёр метрийн зай барих, хувийн ариун цэврээ сайн сахих. Маск л лав биш...Германд.
Харин Монголд бүх нийтээрээ маск зүүх шийдвэр гарсан бол түүнийгээ дагах нь зѳв. Цаашид хэрхэхийг хэн ч мэдэхгүй.Ѳнѳѳдѳр Германд ийм дүр тѳрхтэй байна гэж Control.mn сайтын уншигчдад Берлин хотод ажиллаж буй А.Отгонболд эмч мэдээллээсээ хуваалцлаа.
