Коронавирусийн халдвар авсан Туркийн иргэн эдгэрсэн талаар ХӨСҮТ-ийн дарга Д.Нямхүү өнөөдөр албан ёсоор мэдээлсэн.
Тухайн иргэнийг ХӨСҮТ-ийн эмч Г.Дүвчинбаяр гардан эмчлээд эдгээжээ. Энэ талаар ХӨСҮТ-ийн дэд захирал М.Тунсаг цахим хуудсандаа нийтэлсэн байна.
ХӨСҮТ-ийн дэд захирал М.Тунсаг: Манай ХӨСҮТ-ийн эмч Г.Дүвчинбаяр гэх энэ бүсгүй Турк улсын иргэнийг гардан эмчилж, эдгээгээд өнөөдөр гаргалаа. Эдгэрээд гарч буй Турк улсын иргэн 3-р сарын 21 -с хойш 33 хоног Covid19 -н эмчилгээнд орж, уг өвчтөнийг гардан эмчилсэн залуу эмчээрээ бахархахгүй байхын аргагүй ээ. Халдвар хамгааллын дэглэм бариад одооны зургийг нь авч чадсангүй. Хуучин байсан зургийг нь орууллаа. залуу эмчид маань урам өгч цааш түгээж өгөөрэй. Эрүүл энх, амар амгалан цаг удахгүй ирэх болтугай
Э.Сувдаа