Өнгөрсөн хоногт дэлхий даяар 106,000 шинэ тохиолдол бүртгэгдсэн нь нэг өдрийн хугацаанд халдвар бүртгэгдсэн хамгийн өндөр үзүүлэлт болж байна. Дэлхийн эрүүл мэндийн байгууллагаас COVID-19 ядуу буурай орнуудад тархаж байгаад санаа зовниж байгаагаа мэдэгджээ. Перу улсад онош батлагдсан тохиолдол 100,000-аас давж, Өмнөд Америкийн хэмжээнд өвчний тархалтаар хоёрдугаарт орж байна. Харин хөрш Бразилд 291 мянган хүн халдвар авсан нь АНУ, ОХУ-ын дараа дэлхийд гуравт орсон үзүүлэлт болжээ.
Дэлхий даяар COVID-19-ийн 4.9 сая гаруй батлагдсан тохиолдол бүртгэгдэж, 327 мянган хүн нас барсан гэж Жонс Хопкинсийн их сургууль мэдээлэв. Тэгвэл 1.7 сая гаруй хүн эдгэрч эмнэлгийн хяналтаас гараад байна.
