Тавдугаар сарын 12-ноос 25-ны хооронд орон даяар Улаанбурханы эсрэг вакцинжуулах аян өрнөнө. Вакцинд 18-30 насны хүмүүсийг хамруулах бөгөөд энэ насны жирэмсэн эмэгтэйчүүд вакцинд хамрагдаж болохгүйг ХӨСҮТ-ээс анхааруулж байна. Мөн вакцин хийлгэснээс хойш нэг сарын хугацаанд жирэмслэхгүй байхыг зөвлөжээ. Дашрамд дурдахад, 18-30 насны иргэд хүүхэд байхдаа Улаанбурханы вакцин хийлгэсэн байсан ч дахин тариулахад харшлах зүйлгүй аж.
ВАКЦИНД ХЭРХЭН ХАМРАГДАХ ВЭ?
Та ажил хөдөлмөр эрхэлдэг бол өөрийн байгууллага, сургуулиараа дамжуулан харьяа дархлаажуулалт хийх өрхийн эмнэлэг, төв дээр очиж сайн дураараа вакциндаа хамрагдах боломжтой. Харин ажилгүй иргэд мөн амьдарч буй газрынхаа харьяа дархлаажуулалт хийх Өрхийн эмнэлэгт очин вакциндаа хамрагдах юм байна.
