Улаанбурханы вакцинжуулалтад 624 мянган 18-30 насныхан хамрагдах ёстойгоос өнөөдрийн байдлаар 499 319 нь хамрагдаж, 80.1 хувьтай байна. Вакцинжуулалтыг 14 хоногийн хугацаатай зарласан ч хамрагдах иргэдийн тоо бага байгаа учраас зургадугаар сарын 1 хүртэл сунгахаар болжээ. Тиймээс залуусыг вакцинжуулалтдаа идэвхтэй хамрагдахыг мэргэжлийн байгууллагаас уриалж байна. Сонирхуулахад, вакцинд 30, 27, 28 настай залуус маш идэвхтэй хамрагдаж байгаа бол 19, 22, 23 настнуудын хамралт хангалтгүй байгаа нь судалгаагаар гарчээ.
Д.ТҮВШИН