Сүхбаатар аймгийн Баруун-Урт сумын 2 дугаар багийн нутаг дэвсгэрт үйл ажиллагаа явуулдаг МСҮТ-ийн 1 дүгээр дамжааны оюутнууд 1 дүгээр сарын 19-ний өдөр гудамжнаас 2 сав бүхий химийн бодис (Натрийн гидроксид) олж ангидаа санамсаргүйгээр асгасан байна. Үүний улмаас 15 настай, эмэгтэй хордож, аймгийн нэгдсэн эмнэлэгт хүргэгджээ. Одоогоор биеийн байдал сайжирсан байна. Тус сургуулийн 14 хүүхэд, 4 багшийг эмчийн үзлэгт хамруулахад хордлогын шинж тэмдэг илрээгүй байна. Дэлгэрэнгүй мэдээллийг тун удахгүй хүргэх болно.
