Бразилийн Рио-де-Жанейро хотноо Зуны XV паралимпийн наадам харааны бэрхшээлтэй иргэдийн жүдо бөхийн төрлөөр эхэллээ. Энэ төрөлд Монголын хоёр тамирчин өрсөлдсөнөөс Б.Ууганхүү хүрэл медаль хүртлээ.
Б.Ууганхүү медалийн төлөөх шийдвэрлэх барилдаанд Азербайжаны бөхийг эхний дөрвөн секундэд цэвэр ялж, паралимпийн медальтан боллоо.
Түүнд дөрвөн секунд хангалттай байлаа. Азербайжаны бөх "Бээжин 2008" хүрэл, "Лондон 2012" алтан медальт бөх юм. Монгол улс Паралимпийн жүдо бөхийн төрлөөс анхны медалиа ийнхүү авлаа.
Л.ГАНТУЯА