Монголбанкнаас гадаад валютын дуудлага худалдааг долоо хоног бүрийн Мягмар, Пүрэв гарагуудад тогтмол зохион байгуулдаг бөгөөд ээлжит дуудлага худалдаагаа зохион байгуулжээ.
Банкууд 2277.00-2290.11 төгрөгийн ханшаар 56.8 сая ам.доллар, 338.46-340.82 төгрөгийн ханшаар 81.5 сая юань худалдан авах санал тус тус ирүүлсэн байна. Гэсэн хэдий ч Монголбанк 2288.61 төгрөгийн ханшаар 15 сая ам.доллар, 340.50 төгрөгийн хаалтын ханшаар 10 сая юанийг тус тус худалдлаа.
Гадаад валютын дуудлага худалдаа нь валютын дотоодын зах зээлийн үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас валютын зах зээлд оролцох нэгэн арга хэлбэр. Энэхүү арилжааны эцсийн зорилго нь валютын тогтвортой байдал, төгрөгийн ханшийн огцом хэлбэлзлийг үүсгэхгүй байхад чиглэгддэг байна.
Б.БАТБААТАР