Нэгэн цагт ах, дүү, эгч, дүү болж өвөр түрийндээ орж байсан Энхбаяр, Шийлэгдамба, Цолмон нарын үерхэлд Шийлэгдамба цэг тавилаа. Их ч зориг гаргалаа. Тэгснээрээ тэдний гэр бүлд өөрийгөө өргүй гэж зарлахтай адил сонсогдлоо. Намдаа хандив цуглуулах зорилгоор авсан 50000 ам.долларыг намынхаа даргадаа өгсөн гэдгээ илчиллээ. Намын даргаасаа санхүүжилт олох даалгавар авснаа ч нуусангүй. Хоёулханаа өгч авсан, баримт сэлт үйлдээгүй, харин шүүхдэх дээрээ тулбал нүүрэлдэнэ гэдгээ хэллээ. Ийнхүү сонгуулийн чимээнээр МАХН-ын дарга Н.Энхбаяр намынхаа е.н.б.дарга Шийлэгдамбатайгаа шүүхдэлцэхэд хүрлээ. Тэгвэл, тэртээ 2000 оны дундуур МАХН-ын дарга Н.Энхбаяр намынхаа е.н.б.дарга Хүрэлсүхтэйгээ бас муудалцсан. Шазруун зантай Хүрэлсүх "Энэ намыг та удирддаг юм уу, таны эхнэр удирддаг юм уу" гэж хэлээд бас л зуугдаж байсан түүхтэй. Түүх давтагдана гэж байх юм.
Ц. ОТГОН
