Дэлхий нийтээрээ 2009 оноос эхлэн жил бүрийн 11 сарын 12-ны энэ өдрийг “Уушгины хатгаа өвчинтэй тэмцэх дэлхийн өдөр” болгон зарлаж, “Цэнхэр жинс өмсөцгөөе” уриан дор зургаан тивийн 36 улсын 167 оролцон тэмдэглэдэг билээ.
Дэлхийн статистик мэдээгээр 15 секунд тутамд нэг хүүхэд, өдөр бүр 5500 хүүхэд, жилд 2 сая хүүхэд уушгины хатгалгаа өвчний улмаас нас барж байна гэсэн дүн бий.
2016 онд уг өдрийг “АМЛАЛТАА БИЕЛҮҮЛЦГЭЭЕ-ХАТГАЛГААНЫ ЭСРЭГ ХАМТДАА“ уриан дор дэлхий нийтээрээ тэмдэглэж байгаа бөгөөд ЭМЯ, ДЭМБ, НЭМГ, ЭХЭМҮТ, ХӨСҮТ, Монголын уушги судлалын нийгэмлэг, ЭМШУИС, дүүргүүдийн Эрүүл мэндийн нэгдлүүдтэй хамтран зохион байгуулна.
Монгол улсад хатгалгаа нь 5 хүртэлх насны хүүхдийн эндэгдлийн хоёр дахь гол шалтгаан болдог. Дэлхий нийтээрээ энэ өдрийг тэмдэглэх болсон гол зорилго нь тав хүртэлх насны хүүхдийн өвчлөл эндэгдлийн зонхилох шалтгаан болж байгаа хатгалгаа өвчнөөс сэргийлэх, хатгалгаанаас үүдэлтэй эндэгдлийг бүрэн таслан зогсооход төр засаг, гэр бүл, эцэг эх, асран хамгаалагчид, олон нийтийн анхаарлыг төвлөрүүлж, энэ ажилд уриалахад чиглэдэг ажээ.
А.ГАНТУЯА