Сүхбаатар дүүргийн Эрүүл Мэндийн төвд Нийслэлийн хэмжээнд анхны Диабетийн төвийг шинээр нээлээ.
Чихрийн шижингийн өвчлөл ихсэж, хүндрэл нэмэгдэж байгаа нь нас баралтын шалтгаан болж байгаа юм. Уг өвчнөөс урьдчилан сэргийлэх чиглэлээр иргэдэд эрүүл мэндийн боловсрол олгох, тусламж үйлчилгээг өргөжүүлэх асуудал эрүүл мэндийн салбарын тулгамдсан асуудлын нэг болж байна.
Тиймээс уг өвчний хяналтын чанар хүртээмж, тусламж үйлчилгээг сайжруулах, цочмог болон архаг хүндрэлээс сэргийлэх зорилгоор нийслэлийн хэмжээнд анх удаа СБД-ийн Эрүүл Мэндийн төв Диабетийн төвийг нээн тусламж үйлчилгээгээ өргөжүүллээ. Тус төвийг нээхэд Дани улсын Ново Нордиск компани санхүүгийн болон үйл ажиллагааны дэмжлэг үзүүлсэн байна. Нээлтийн үйл ажиллагаанд НЭМГ, Диабетийн эмч нарын холбооны тэргүүн, Дани улсын Ново Нордиск компанийн төлөөлөгч, дүүргүүдийн Эрүүл мэндийн төвийн дарга, удирдлага, дотоод шүүрэл булчирхайн эмч, сургагч багш, хоол зүйч нар оролцлоо.
О.НАНСАЛМАА
