Гүндалай гэж улс төрч байсаан. 2000-2008 онд УИХ-д суусан. Зүгээр суудаггүй нэгэн. Нам байгуулах дуртай. Хоёр ч нам байгуулчихлаа. Намаараа наймаа хийж Эрүүл мэндийн сайдын сэнтийд ч заларч үзсэн. Хийж байгуулсан гавьяа гэж нэрлэх зүйл түүнд ховор. Жагсаж чаддаг, бужигнуулж чаддаг, тэр дундаас шороо атгаж, атгасан шороогоо алт болгож чадах нэгэн гэдэг тодотгол бий. Монголыг баян, сан хөмрөгийг нь арвин байхад түүнийг сонгуульд намаа ялуулах зорилгоор бэлэн мөнгө тараах санаачлага гаргасныг санаж байна. Энэ хүн бол монголын эдийн засгийн тамир тэнхээг сулдаах хорлон сүйтгэх чанартай үйлдлийн автор гэж шинжээч судлаачид үзэх нь бий. Тэр үнэхээр мартагджээ. Сонин гаж зүйлийг сэдэгч энэ эр "Монголоороо байгаасай" клип хийлгэж сошиалд тавьсан нь дуулиан тариад байна. Хамгийн олон хүн үзсэн, хамгийн олон хүний дургүйцлийг хүлээсэн клипээр Гүндалайн дуулсан "Монголоороо л байгаасай" клип тодорч байна. Ямар ч байсан клипийг хамтдаа дахин нэг үзье. Мартагдсан улс төрч Гүндалай эргэн ирэхийг хүснэ..
С.ДЭЛГЭРМАА