Тэр бол айсан, сандарсан Шийлэгдамба. Бидний таних Шийлэгдамбаас огт өөр Шийлэгдамба гэж Н.Энхбаяр хэллээ. Тэр бол хагас үнэнийг ярьсан. Худал ярьж байгаа хүн л хагас үнэн ярьдаг. Тийм л байсан. Намдаа тэр хандив олох ёстой. Намын санхүүжилтэд анхаарах ёстой. Мөнгө босгох, түүнийг зохион байгуулах үүрэгтэй. Энэ бол улс төрийн бүх намын е.н.б.дарга нарт хамааралтай. Намын дарга санхүүгийн асуудлаар е.н.б.даргатайгаа, бусадтай нь ч ярина шүү дээ. Би ганцхан зүйлийг хэлдэг байсан. Гэмт хэрэг үйлдэж болохгүй, үйлдсэн бол хэргээ бусдад нялзааж болохгүй гэж. Би түүнээс хувьдаа мөнгө аваагүй. Тэр намаа бол санхүүжүүлэх үүрэгтэй. Надад мөнгө өгсөн гээд уснаас хуурай гарна гэж бодож байгаа эндүүрэл. Надад хэрэг тохно гэж санаж байгаа бол бүтэхгүй гэдгээ Энхбаяр ТВ5 телевизийн Дагиймаа сэтгүүлчтэй ярилцахдаа онцоллоо. Ийнхүү, үерхэлдээ өөрөө цэг тавьсан, нэгэн цагт дүү хэмээгдэж явсан Нялх Сэнгүм болох Шийлэгдамба ба түүний нөхдөд хариу барьж, телевизийн эфирээр хариу үг дайж амжлаа. Шийлэгдамба яарчээ. Хэрвээ тэр өчүүхэн зан гаргаж, Н.Энхбаярын хэлснээр бусдад ашиглуулсан бол шившигтэй. Тэр улс төрийн карьерийн хувьд ч , хувь хүнийхээ хувьд хэн ч биш болов бололтой.
Ц. ОТГОН