.JPG)
Саяхан компьютер болон ухаалаг утасны хэрэглээ эрс нэмэгдсэний улмаас залуучуудын дунд хүзүүний дисктэй хүмүүс ихэсч байгаа талаар ДЭМБ-аас мэдээлж байсан билээ.
Хүзүүний хэлбэр нь тэгширч хөшсөн 20-30 орчим насны залуусын эмнэлэгт ирэх нь өдрөөс өдөрт нэмэгдсээр байна. Хүзүүний нугалам хоорондын жийргэвчний үүрэг гүйцэтгэх зөөлөн эд түрэгдэн гарч ирж мэдрэлээ дарсны улмаас үүсдэг өвдөлт, хөшилт нь ихэвчлэн 40-50 орчим насны хүмүүст илэрдэг өвчин аж.
.JPG)
Ухаалаг утасны дэлгэц рүү харах гэж толгойгоо урагшаа хазайлгахад хоёр мөрний хэлбэр мөн дотор тийш хумигдаж, мэргэжилтнүүдийн хэлдгээр “яст мэлхийний нуруу”-ны хэлбэртэй мэт болдог. АНУ-ын нурууны согог судлах доктор профессор Кеннетх К.Хансраж-аар ахлуулсан судлгааны багийн “Surgical Tehnology International” олон улсын сэтгүүлд хэвлүүлсэн мэдээлэлд “Ухаалаг утасны дэлгэц рүү харахын тулд нүүрээ урагшаа тонгойлгох байдал нь 6-7 настай хүүхдийг хүзүүн дээрээ мордуулсан байдалтай адил ачаалалтай байдаг бөгөөд энэ нь ойролцоогоор 27 кг-ын ачаалалтай тэнцдэг” гэжээ.
БНСУ-ын “Часэн” Солонгосын уламжлалт эмнэлгийн Ким Ха-Ныль эмч хэлэхдээ “Энгийн үед хүзүүний ачаалал 4-5 кг байдаг бол ухаалаг утасны дэлгэц рүү харах гэж толгойг 15 хэмээр налуулахад 12 кг-ын ачаалалтай болдог. Хүзүүний ачаалал ийм байдалтай удах юм бол нуруу болон хүзүүний хэлбэрт нөлөөлж, улмаар хэвийн бус байдалд шилжиж хүзүү, нурууны дисктэй болдог” гэж анхаарууллаа.
Д.БУЯНЖАРГАЛ
