2015 оны шилдэг унаач хүүхдээр тодорсон Бат-Эрдэнийн Өөдлөхтэй уулзаж, баярын сэтгэгдлийг нь хуваалцлаа.
-Сар шинийн өмнө оны шилдэг унаач хүүхэд боллоо. Баярын сэтгэгдлээсээ хуваалцаач?
Маш их баяртай байна. Сэтгэл их сайхан байна.
-Хэдэн настайгаасаа морь унаж байна вэ?
Би одоо 11 настай. Увс аймгийн Тэс сумаас ирсэн. Одоо 5-р ангид сурдаг. Хурдны морь зургаан настайгаасаа эхэлж унасан. Түүнээс хойш олон уралдаанд оролцсон. Удахгүй мориндоо томдоод хасагдах байхаа. /инээв/
-Морь унаж уралдах хэцүү юу? Ер нь амаргүй харагддаг?
Анх уралдаж байхдаа сандарч л байсан. Гэхдээ уралдааны замд гарсан байхад айдасгүй болчихдог.
-Уралдааны замд унаач хүүхдүүд хоорондоо өрсөлдөөн ихтэй байдаг уу?
Мэдээж уралдаж байгаа гэдэг утгаараа өрсөлдөөн байлгүй яахав. Гэхдээ уралдааны замд өрсөлдөж байгаагаа мартчихдаг юм. Барианд орж ирэх үедээ бараг бүгдээрээ найзууд болчихсон байдаг.
-Хэсэгхэн хором ярилцсанд баярлалаа. Цаашдын сурлага, хөдөлмөрт нь өндөр амжилт хүсье.
Баярлалаа. Сар шинэдээ сайхан шинэлээрэй.
П.ОЮУНСҮРЭН
