Жилийн өмнө болсон цагаан сарын хүчит бөхийн барилдаанд хэн түрүүлснийг олон нийт сайн санахгүй байж магад. Харин суудал залгасан Монгол төрийн хоёр ерөнхийлөгчийн хооронд ямар " мөргөлдөөн" болсныг нийтээрээ мартаагүй. Үзэгчийн суудалд байраа эзлэх Н.Энхбаярыг гол суудалд урьсангүй , хойноо ч болов суулгачихаад хөөрөг зөрүүлж мэндчилсэнгүй л гэж Элбэгдоржийг баахан шүүмжилж, Энхбаярыг өрөвдөн хайрлацгаасан. Үүнээс ухамсарласан юм уу, энэ жил олон түмний яриад, бичээд, хүсээд байсан үйлдлийг хоёр "Э" гүйцэтгэлээ. Элбэгдорж ,Энхбаяр хоёр цагаан сар, монгол түмний буянаар дахин хөөрөг зөрүүлж, мэнд амраа мэдэлцэж, нүүр хагарлаа. З.Энхболд бяцхан мушийсан нь ноднингийн үйлдлийг санасан шинжтэй. Ийнхүү Элбэгдорж алдаагаа засаж, Энхбаяр урагшилсан цагаан сар боллоо.
Ц. БАТ-ЭНХ
