2016 ОНЫ УИХ-ЫН СОНГУУЛЬД ХЭН ЯЛАХ ВЭ?

2016-02-17  

Улс төрийн намууд дор дороо хөдөлгөөнд орлоо. Ёстой л атом молекулын нэгдэл, задрал гэдэг шиг үйл явц өрнөж байна. Сонгуулийн гол өрсөлдөөн эрх баригч АН, гол сөрөг хүчин МАН-ын хооронд өрнөнө гэж судлаачид үзэж байна. УИХ-д суудалтай бүх намын санал нийлээд нийт сонгогчдын 50%-д хүрэхгүй байгаа тухай ч мэдээлэл нэг хэсэг яригдсан. Энэ судалгаа улс төрийн намд сонгогчид итгэл алдарсан гэдгийг илтгэсэн гэж олон нийт үзсэн. Тиймээс энэ удаа зөвхөн нам биш, бас хүнийг нь ч харна гэх давалгаа сонгогчдын дунд бий болоод байгаа. Тэгвэл энэ тоонд өөрчлөлт орсон, улс төрийн намуудаас МАН олны итгэлийг илүү хүлээх болсон тухай МАН-ын дарга М.Энхболд тодрууллаа.

2012 оны сонгуулиар 31%-тай байсан бол өнөөдөр 38%-тай болж МАН-ын рейтинг өссөн гэж Санта Маралын сүүлийн судалгааг үндэслэн хэллээ. Тэр өөрийнхөө намын рейтингийг дээшилсэн гэж хэлсэн төдийгүй Засгийн эрх барих туршлагатай гэж цохож хэлсэн нь анхаарал татлаа. "25 жил болсон нам хүртэл эрх барьж сураагүй л байна. Сураагүй гэдгээ өнгөрсөн 4 жилд харууллаа шүү дээ" гэж АН болон бусад намыг үгүйсгэв. Мөн "АН бол хүнд юм билээ. Урихаар ороод ирдэг. Хөөгөөгүй байхад гараад явчихдаг. Гуйгаагүй байхад гуйгаад байдаг. Яваагүй байхад хөөгөөд байдаг" гэж өрсөлдөгч намаа тодорхойлсон. Ингэж news.mn-д ярилцлага өгөхдөө хэлсэн байдаг. МАН өөртөө итгэлтэй байгаа юм байна гэж харагдахаар байна. Мэдээж эрх баригчдын улс төр, эдийн засгийн бодлогын алдаа, улс орны өр шир, ард түмний аж амьдралын түвшин доошилсон, ажилгүйдэл нэмэгдсэн зэрэг нь үүнд ташуур болж байгааг үгүйсгэхгүй. Гэхдээ МАН засгийн эрхийг авах хэмжээний суудал авч чадах уу? гэдэг бас асуудал. МАН-ын саналыг хуваагч МАХН-ыг яах вэ? Энэ хоёр нам сонгуулиас өмнө эвсэнэ гэж хэлэхэд бэрх. Нэгдэнэ гэж бүү сана. Улс төр дэх өрөг дөнгөж эхэлж байна. Хэн ч юу ч алдаагүй байна, одоохондоо. Гэхдээ МАН, АН-ын хэн ялах нь МАХН-аас ихээхэн хамаарах магадлалтай. Түүнтэй аль нам хүч хавсрах вэ? Энэ бол ЗАГАДКА буюу одоохондоо оньсого болжээ.

 

Ц.БАТ-ЭНХ

 

 

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
бадамжунайн дүү:Сөрөг гэдэг номон дээрээс Миеогомбын Энхболдыг газрын найманчин явсныг уншлаас 2016-02-17
Төстэй мэдээ
ХАВРЫН МОРИН УРАЛДААНЫГ СЭРГЭЭЖ, 14-ӨӨС ДЭЭШ НАСНЫ ХҮҮХДЭЭР МОРЬ УНУУЛАХ ХУУЛИЙН ТӨСЛИЙГ БАЙНГЫН ХОРОО ДЭМЖЛЭЭ
ШУУРХАЙ: ГУРВАН АЛБАН ТУШААЛТНЫ ЧӨЛӨӨЛӨГДӨХ ХҮСЭЛТИЙГ ЕРӨНХИЙ САЙД Н.УЧРАЛ ТАНИЛЦУУЛНА
Н.УЧРАЛ: ГАШУУНСУХАЙТЫН ГЭРЭЭНД ОЛОН УЛСЫН АУДИТ ХИЙЛГЭНЭ, МАН-ЫН САНХҮҮД Ч АУДИТ ОРУУЛНА
ЕРӨНХИЙЛӨГЧ У.ХҮРЭЛСҮХИЙГ ЧӨЛӨӨЛӨХИЙГ ТӨРИЙН БАЙГУУЛАЛТЫН БАЙНГЫН ХОРОО 77.8 ХУВИАР ДЭМЖЛЭЭ
УИХ 2027 ОНЫ ТӨСВИЙГ БАТАЛЛАА: ЗАРЛАГА 41.5 ИХ НАЯД ТӨГРӨГ
АТГ: ТУУЛЫН ХУРДНЫ ЗАМЫН 500 ТЭРБУМ ТӨГРӨГИЙН ХЭРЭГТ Х.НЯМБААТАР НАРЫН 6 ХҮНИЙГ ШАЛГАЖ БАЙНА
Х.НЯМБААТАР: ТӨМӨР ЗАМЫН ТЕНДЭРИЙГ НУУЦАД ОРУУЛЖ, 110 САЯ ДОЛЛАРЫН АВЛИГА ТАРААСАН
ЧИНГИС ХААНЫ ХӨРГИЙГ АРХИ, ТАМХИН ДЭЭР ТАВИХЫГ ХОРИГЛОХ ХУУЛЬ ГАРНА
АППЛИКЕЙШН ЗЭЭЛИЙН ХҮҮ 60 ХУВЬД ХҮРСЭН Ч СЗХ-НЫ ДАРГЫГ ЧӨЛӨӨЛСӨНГҮЙ: 94 ГИШҮҮНИЙ 54 НЬ ДЭМЖСЭНГҮЙ
«ЧӨЛӨӨЛЬЕ» САНААЧИЛГЫН ЦӨМ НЬ ТӨРИЙН ӨМЧИЙН РЕФОРМ: ТӨК-ИУДЫГ 2027–2030 ОНД ГУРВАН ҮЕ ШАТТАЙ ШИНЭЧИЛНЭ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?