Олны хүчийг зогсооход бэрх. Талбай дээр жагсаал цуглаан хийх, шаардлага тавих, төрийн байгууллагад төрийн бус байгууллага, олон түмний хүчээр дарамт үзүүлэх. Хуулийн хүрээнээс гадуур үйлдэл хийх. Энэ бол танил үйлдлүүд. Одоогийн эрх баригчид тэмцлийн энэ хэлбэрүүдийг их л сонгодог байсан. Цагдаа, хүчний байгууллагыг ямагт "ажилтай завгүй" байлгадаг байсан. Тэгвэл сонгуулийн уур амьсгаа орсон хаврын энэ өдрүүдэд мартагдах шахсан хуучин үйлдлүүд сэргэх хандлага ажиглагдлаа. МАХН-ын Залуучуудын байгууллага идэвхжиж, АТГ-ын үүдийг сахиж эхэллээ. УИХ-ын гишүүн О.Баасанхүү Засгийн тэргүүн Сайханбилэгийг дуэльд дуудлаа. Нэгэн цагт тэмцэгч байснаа санадаг болов уу, үгүй болов уу, эрх баригч болсон хүмүүс. Германы ард иргэд Ангела Меркелийг сонгохгүй гээд байдаг. Монголчууд ч удахгүй эрх баригчдад дүн тавих гээд байдаг. Тоглолт хэрхэн өрнөж, ямар хариу барихыг харьцгаах үлдлээ.
А. МЭРГЭН