Ингэж эдийн засагч Батсуурь хэлжээ. Энэ үе бол МАНАН-гийн үе, ерөнхий сайд нь МАН-ын дарга С. Баяр, сангийн сайд нь АН-ын лидер С.Баярцогтын үе юм. Хоёр БАЯР-ын зуурсан бантан. Түүний хэлснээр 2009 онд Монгол улсын гадаад өр 3 тэрбум байснаа огцом өссөн байна. Одоо энэ өр 22 тэрбум ам.доллар болжээ. Өнөөгийн нөхцөл байдал, эдийн засгийн бодит боломжоор Монгол улс гадаад өрөө цаг хугацаандаа төлөөд явах боломжгүй. Эрх баригчид үүнийг тоож байгаа ч юм алга, харин ч гадаад өрийг хэрхэн нэмэгдүүлэх тухай л ярьж байна гэж шүүмжлэлтэй хандсан ярилцлага хэвлэлд өгсөн нь олны анхаарлыг татаж байна. Түүний хэлснээр хямрал удаан үргэлжлэх болно гэжээ. Харин засгийн газар энэ бол хямрал гэж огт үзэхгүй байгаа нь хачирхалтай.
Тоймч, судлаач Т.ЭРДЭНЭЧИМЭГ