Ипотекийн зээл, санхүүжилтийн ерөнхий журмыг Засгийн газраас баталсан. Ингэснээр нийгэмд хүлээлт үүсээд байсан ипотекийн зээлийн хүү 5 хувьд шилжиж эхэллээ. Гэхдээ энэ удаад зөвхөн Улаанбаатар хотын шинэ болон гэр хорооллын дахин төлөвлөлтийн бүс, алслагдсан дүүрэг, 21 аймгийн нутаг дэвсгэрт баригдсан орон сууцнаас худалдан авсан тохиолдолд таван хувийн хүүтэй зээлд хамрагдах боломжтой юм. Өөрөөр хэлбэл, нийслэлийн Багахангай, Багануур болон Налайх дүүрэгт баригдсан орон сууцнаас худалдан авбал жилийн 5 хувийн хүүтэй ипотекийн зээлд хамрагдах аж. Харин нийслэлийн төвийн зургаан дүүргийн нутаг дэвсгэрт баригдсан орон сууцнаас таван хувийн хүүтэй зээлээр хэрхэн худалдан авахыг зохицуулсан журмыг удахгүй батлах юм байна.
А.ТҮВШИН