Төв аймгийн Аргалант суманд байрлах “Сод Монгол” ШТС-ыг таван залуу дээрэмдсэн хэрэг өнгөрөгч долоо хоногийн ням гарагийн шөнө гарсан юм. Тэд түгээгчийн зодож, орлогын 300 гаруй мянган төгрөг, гар утсыг дээрэмдээд зугтаасан боловч төд удалгүй Архангай аймгийн Эрдэнэбулган сумнаас баригдсан байдаг. Залуус мэдүүлэг өгөхдөө “Эмэгтэйчүүдийн баярыг тэмдэглэх гэж дээрмийн хэрэг үйлдсэн. Найз охиноо баярлуулах гэсэн мөнгө олдохгүй байсан. Тэгээд дээрэм хийхээр тохиролцсон” гэх утга бүхий мэдээллийг өгчээ.