Талийгч О.Чулуунбатын үр хүүхэд МШТХ-ны "ОЧ" төв клубт аавынхаа зургийг байрлуулж, цэцэг өргөж, зул асааж салах ёс гүйцэтгэлээ. Ширээний теннисний хөгжилд зориулан аавынхаа барьсан теннисний зориулалтын заал, аавынхаа тоглох дуртай ширээнд нь цэцэг өргөж үг хэллээ. МШТХ-ны зүгээс холбооныхоо тугийг бөхийлгөн, 1 минут хөдөлгөөнгүй зогсож, Чулуунбат ерөнхийлөгчид хүндэтгэл үзүүллээ. "ОЧ" клуб гэдэг нь Очирбатын Чулуунбат гэсэн түүний нэр, овгийн товчлол юм байна.
Э. ЦЭБЭ
