Өнгөрсөн цасан шуурганы үеэр цасанд боогдсон, төөрсөн иргэдэд Монголын авто машины клубүүд сайн дураараа нэгдэж, тусалсан юм. Тус клубын залуусыг Зам, тээврийн сайд М.Зоригт, ЗЦГ-ын дарга Ү.Зоригтбаатар, ОБЕГ-ын дэд дарга А.Ганзориг нар өнөөдөр ЗТЯ-нд хүлээн авч уулзлаа. Өөрсдийн санаачлагаараа нэгдэж цасан шуурганы үеэр 100 гаруй хүнийг аварсан клубынханд “Талархал” гардуулж, санаачилга гарган ажилласан зарим залуусыг Засгийн газрын шагнал “Онц тээвэрчин” цол тэмдэг, Зам, тээврийн яамны “Хүндэт жуух бичиг”-ээр шагналаа.
А.САЯН