Нийтийн тээврийг ухаалаг болгож, кондукторыг нь чөлөөлж, мөнгөний хайрцаг тавьсан цагаас л зарлага буурч, орлого нэмэгдэнэ гэсэн нь биеллээ олохгүй уджээ. Жолооч нь буухдаа орлогоо хувьдаа авдаг, мөнгө татаж авах нарийн төмөр багаж үйлдсэн гэж ам дамжин ярьж байсан нь батлагдав. Эрдэм транс-ын автобусны жолооч Б гэгч эр хайрцагнаасаа мөнгөө хувьдаа завшиж байгаад үйлдэл дээрээ баригдсан байна. Гэмт хэрэг үйлдэж байгаад газар дээрээ баригдсан иргэн Б-г Цагдаагийн байгууллагад шалгуулахаар шилжүүлжээ. Мөнгөө хэмнээд камер байрлуулаагүй Эрдэм ТрансХХК хэмнэх биш, бүр хулгайлах нөхцлийг бий болгож өгчээ.
Э.БАТНАСАН