"Монгол Улсын иргэдэд 3 жил хүртэлх хугацаатай /нэг удаа 15 хүртэлх хоног/ олон удаагийн виз" олгох шийдвэрийг Япон Улсын Засгийн газраас гаргасан. Үндэсний энгийн гадаад паспорт эзэмшигчдэд хамаарах энэхүү шийдвэр нь 2015 оны наймдугаар сарын 10-ны өдрөөс эхлэн хүчин төгөлдөр болно.
Энэ шийдвэр нь Япон Улс руу зорчих монгол жуулчдын тоог нэмэгдүүлэх, цаашлаад хоёр орны харилцаа, хамтын ажиллагааг өргөжүүлэн хөгжүүлэх, иргэд харилцан зорчих явдлыг идэвхжүүлэхэд өндөр ач холбогдолтой гэж ГХЯ-наас мэдээллээ.
А. САЯН