Монгол Улсын Засгийн газар, Бүгд найрамдах Австри Улсын Засгийн газрын хэлэлцээрийн дагуу ОБЕГ-т аврах болон гал унтраах тусгай ажиллагаатай 16 автомашиныг дагалдах хэрэгслийн хамт хүлээлгэн өглөө. Эдгээр автомашинууд нь Монгол орны эрс тэс уур амьсгалд тохирсноороо давуу талтай хэмээн Австрийн "Розенбаур Интернейшнл Аг” компанийн төлөөлөгч онцоллоо. Мөн өнгөрсөн оны улсын төсвийн хөрөнгө оруулалтаар хүлээн авсан 4.6 тэрбум төгрөгийн өртөгтэй БНСУ-д үйлдвэрлэсэн гал унтраах тусгай зориулалтын 12 автомашиныг дээрх 16 автомашинтай нийлүүлэн 21 аймгийн Онцгой байдлын газар, ОБЕГ-ын харъяа Мэргэжил дээшлүүлэх давтан сургалтын төв болон дүүргүүдийн онцгой байдлын хэлтсүүдэд хувиарлан өгсөн юм. Эдгээр техник, тоног төхөөрөмжийг хүлээн авснаар Онцгой байдлын албаны гамшигтай тэмцэх чадавхи өмнөх жилийнхээс 2.3 дахин өсч байгаа юм.
Х. АЯЛГУУ
