ОХУ-ын БН Тува улсын иргэн Оросоос Монгол Улс руу 32 000 сум оруулахаар завдсан учраас районы шүүх тэнсэн харгалзах ялаар шийтгэлээ хэмээн Холбооны Аюулгүй байдлын бүс нутгийн удирдах газраас мэдээлжээ. Тува иргэний ярьснаар Красноярскт амьдардаг нэгэн түүнд ангийн бууны болоод калибрын 32500 сумыг өгсөн байна. Тэрээр энэ сумаа нууцаар хил давуулаад Монголын нэгэн иргэнд худалдахаар төлөвлөсөн байжээ. Харин түүнийг сум, галт хэрэгслээ тээвэрлэхээр зэхэж байхад нь аюулгүй байдлын ажилтнууд илрүүлэн эрүүгийн хэрэг үүсгэсэн байна. Сум галт хэрэгсэл хилээр нууцаар гаргахаар завдсан энэ гэмт хэрэгтэнд нэг жил 4 сарын хорих ял оноосныг тэнсэн харгалзах болгож 10 мянган рублиэр торгожээ.
Х. ЭГШИГЛЭН
