Нийслэлээс төрийн үйлчилгээг хурдан шуурхай хүргэх зорилгоор төрийн зарим үйлчилгээг дүүрэг, хороод руу шилжүүлж байна. Энэ ажлын хүрээнд гурван давхраас дээшгүй өндөртэй, 3600 метр кубээс ихгүй эзэлхүүнтэй барилга барихтай холбоотой бүх зөвшөөрлийг дүүргээс олгодог байхаар шийдвэрлэж, хэрэгжүүлэх ажлын хэсэг байгууллаа. Нийслэлийн Засаг дарга Э.Бат-Үүл дүүргийн Засаг дарга нартай уулзалт хийж энэ талаар ярилцлаа.
Энэ үеэр дүүргүүдэд архитектор, барилгын инженер гэсэн мэргэжлийн бүрэлдэхүүнтэй, барилга угсралтын ажил эхлүүлэх зөвшөөрөл олгох комисс байгуулж, барилга барих зөвшөөрөл хүссэн иргэн, хуулийн этгээдийн хүсэлтийг хүлээн авч, шийдвэрлэх боломжтой гэж үзсэн байна.
А.САЯН