Улаанбаатар хотын гэр хорооллын дахин төлөвлөлтийн хүрээнд хамрагдах орон сууц, алслагдсан дүүргүүд болох Багануур, Багахангай, Налайх, нийслэлийн шинэ суурьшлын бүс, 21 аймгийн нутаг дэвсгэрт байгаа орон сууцыг худалдан авахыг хүссэн иргэдэд ипотекийн 5 хувийн хүүтэй зээл олгохоор болсон. Энэ шийдвэрийн дагуу иргэдэд уг зээлийг олгож эхлээд байгаа бөгөөд 3 сарын 15-ний өдрийн байдлаар буюу нэг өдрийн дотор 81 иргэнд 2.4 тэрбум төгрөгийн зээлийг шинээр олгохоор шийдвэрлэжээ.
Арилжааны банкууд дээрх байршилд баригдсан орон сууцны ипотекийн зээл авсан 3.085 зээлдэгчийн 125.3 тэрбум төгрөгийн зээлийг 8 хувиас 5 хувийн хүүтэй ипотекийн зээл рүү шилжүүлээд байна. Шинээр орон сууц худалдан авахыг хүссэн иргэдээс 15-ний өдрийн байдлаар 8 хувийн орон сууцны ипотекийн зээлээр 698 иргэнд 43.1 тэрбум төгрөгийн зээл олгохоор болжээ.
Х.АЯЛГУУ
