Монгол улсыг хөгжүүлэх гэсэн хүсэлтэй хүмүүсийг нухчин дарж байна. Эрчүүдийг "нухаж" дийлэхгүй болохоор хөхүүл хүүхэдтэй эмэгтэйчүүд рүү орж байна. Таван толгойг 60, 100 жилээр гадны компанид өгөх гэж байсныг илчилсний төлөө ийм эрүү шүүлтэд орж байна гэж шүүхийн хуралдааны танхимын гадна ирсэн Баттулга хэвлэлд мэдэгдлээ.
Түүний туслахаар ажиллаж байсан Г.Түвшинжаргал нарыг хорьсон бөгөөд, тэднийг үргэлжлүүлэн хорих эсэхийг шийдвэрлэхээр Баянзүрх, Сүхбаатар зэрэг дүүрэгт анхан шатны шүүх хурал болох гэж байна гэж манай сурвалжлагч мэдээллээ. Баттулгын нарийн бичгийн дарга Эрдэнэтуяаг 3-р сарын 18-ны үүрийн 04.00 цагт баривчилсан гэж мэдээллээ. Түвшинжаргал нь мөн 6 сартай нялх хүүхэдтэй юм байна.
А. САЯН