"Жудагт Монгол" холбооноос мэдээлэл хийж, Монгол Улсын Сайд М.Энхсайханыг Тагнуулын Ерөнхий Газарт хандан шалгуулах болсноо мэдэгдлээ. Тэдний хэлж буйгаар Монгол Улсын Сайд М.Энхсайханаар ахлуулсан ажлын хэсэг Тавантолгойн ордыг ашиглах Консорциумтай хийхээр төлөвлөж байсан "Хамтын ажиллагааны гэрээ", "Хөрөнгө оруулалтын гэрээ" болон "Ухаахудаг- Гашуунсухайт чиглэлд төмөр замын суурь бүтэц барих, ашиглах, шилжүүлэх концессийн гэрээг бэлтгэхдээ Монгол Улсын хүчин төгөлдөр үйлчилж буй хууль, ҮАБЗ-ийн зөвлөмж, УИХ, ЗГ-ын тогтоолуудыг зөрчсөн аж. Тиймээс түүнийг эрүүгийн хуулийн тусгай ангид заасан эх орноосоо урвах, хорлон саатуулах, төрийн нууцыг задруулах, албан тушаалын байдлаа хэтрүүлэх, урвуулан ашиглах зэрэг олон гэмт хэрэг үйлдсэн байж болзошгүй гэж үзэж байгаа учраас ТЕГ-т ханджээ.
А.САЯН