Өнөөдөр Эх дэлхийн цаг 20:30-21:30-ийн хооронд тохиож байна. “Эх дэлхийн цаг” хөдөлгөөн анх 2007 онд Австралийн Сидней хотын 2.2 сая айл өрх, албан байгууллагаас эхэлж байсан бөгөөд өдгөө дэлхийн 7000 хотыг хамарч өргөжжээ. Энэхүү өдөр өнөөдөр тохиож байна. “Эх дэлхийн цаг” хөдөлгөөн дэлхийн бүх хүнийг нэг цагийн турш гэрэл болон цахилгаан хэрэгслээ унтраахыг уриалдаг. Ингэснээр эрчим хүчний үйлдвэрлэлээс гарах хүлэмжийн хийн ялгарлыг бууруулах, дэлхийн дулаарал, уур амьсгалын өөрчлөлттэй тэмцэхэд хүн бүр өөрийн хувь нэмрээ оруулж байна гэсэн утгыг илэрхийлдэг. Энэхүү арга хэмжээг дэмжин, нэгдэхийг БОНХАЖЯ-ны харьяа Байгаль хамгаалах сангаас уриалсан байна. Тиймээс орой 20:30-аас марталгүй цахилгаан хэрэгслүүдээ унтрааж эх дэлхийгээ хайрлахад хувь нэмрээ оруулаарай.
