20 саяын эзэн баримтаа мөн бүртгүүлээгүй байна. Үнэн худлаа нь мэдэгдэхгүй байсан НӨАТ-ын 400 саяын азтаны талаар НӨАТУС-аас мэдээлэл хийлээ. Энэхүү азтан нь 400 саяын азтан Амгаланд байрлах Оргил худалдааны төвөөс нэгдүгээр сарын 27-ны өдөр худалдан авалт хийжээ. Одоогоор азтан баримтаа ebarimt.mn-д бүртгүүлээгүй байгаа аж.
"Хэрвээ журмын дагуу гурван сарын дотор азтан баримтаа бүртгүүлээгүй, азтан тодроогүй тохиолдолд 400 сая төгрөгийг Төрийн сан руу буцаан шилжүүлнэ гэж НӨАТУС төслийн нэгжийн захирал Р.Отгонтулга хэллээ.
Өөрөөр хэлбэл азтанг зургаадугаар сарын 20-ны өдөр хүртэл хүлээх юм байна. Уг азтанг 24 сая баримтаас тодруулсан бөгөөд 20 сая төгрөгийн азтан мөн бүртгүүлээгүй байна. Иргэд заавал интернэт рүү орохгүйгээр мессэж бичих замаар баримтаа бүртгүүлэх боломжтой. 131313 дугаар руу сугалааны дугаараа бичээд зай аваад үнийн дүнгээ оруулна гэлээ.
Нийтдээ долоон удаа сугалааны тохирол явуулахад 70 000 азтан тодорсон ч 5900 гаруй баримт л бүртгэлтэй байгаа ажээ. Гар дээр байгаа баримтаа гар утасны аппликэйшн, мессежээр ebarimt.mn бүртгүүлэх боломжтой.
Х. АЯЛГУУ
