Нийслэлийн иргэдэд зуслангийн газрыг эзэмшүүлэх ажил өнгөрсөн жилүүдээс хэрэгжиж ирсэн. Харин ирэх 4 дүгээр сараас эхлэн Монгол Улсын иргэнд газар өмчлүүлэх тухай хуулийн хэрэгжилтийг хангах зорилгоор зуслангийн бүсийн газар өмчлөлийн ажлыг эхлүүлэхээр бэлтгэл ажлыг хангаад байгаа тухайгаа Нийслэлийн газрын албанаас мэдээлсэн байна. Тухайлбал Нийслэлийн Засаг даргын захирамжийн дагуу 3 сарын 3-ны өдөр 13 байршилд газрын эрхийн нээлттэй дуудлага худалдааг зохион байгуулжээ. Эхний ээлжинд төлөвлөлтийн дагуу Сүхбаатар дүүргийн Шарга морьтын ам, Чингэлтэй дүүргийн Жигжидийн зуслангийн аманд газар өмчлөлийн ажлыг эхлүүлэхээр суурин болон хээрийн судалгааг хийж, бэлтгэл ажлыг хангасан байна. Уг төлөвлөлтөөр газар өмчлүүлэх ажлыг 4 дүгээр сард багтаан эхлүүлнэ гэдгээ албаныхан мэдэгдсэн байна.
Х. АЯЛГУУ