Энэ сарын 21 буюу даваа гарагаас эхлэн Төрийн орон сууцны корпорациас түрээсийн орон сууцанд суух хүсэлтэй өндөр настнуудыг бүртгэсэн. Харин өнөөдрөөс эхлэн 2016 оны нэгдүгээр сарын 01-ээс өмнө гэрлэлтээ батлуулсан 35 хүртэлх насны залуу гэр бүлийг бүртгэж эхэлнэ.
"Түрээсийн орон сууц” хөтөлбөрт хамрагдах хүсэлтэй иргэд бүрдүүлэх бичиг баримтаа бүрэн хангаж ирэхийг ТОСК-аас анхааруулж байна. Ямар материал бүрдүүлэх талаар дэлгэрэнгүй мэдээллийг http://tosk.gov.mn/ харах боломжтой.
Энэ сарын 25-28-нд хувийн байгууллагын ажиллагсад, хувиараа хөдөлмөр эрхлэгч болон төрийн албан хаагч, байгалийн гамшиг гэнэтийн аюулд нэрвэгдэж орон байргүй болсон өрх, 30-нд 0-18 насны дөрөв ба түүнээс дээш хүүхэдтэй өрх толгойлсон эцэг эсвэл эхийг бүртгэх юм.
А.САЯН
