Казах түмний үндэсний баяр болох "Наурызын баяр”-ын өдрийг тохиолдуулан МЗХ-ны Улаанбаатар дахь Баян-Өлгий аймгийн Залуучуудын Холбоо, Казах Залуучуудын холбоо хамтран Баруун салааны эцэст байрлах "Богд Хааны рашаан”-ы эхийг хоёр дахь жилдээ цэвэрлэжээ.
Цэвэрлэгээний ажилд 20 гаруй Казах оюутан залуус оролцсон байна. Сүүлийн үед аливаа баяр ёслолыг өргөн дэлгэр тэмдэглэх болсон. Тэгвэл энэ удаад Казах залуус ууж идэх, наргих цэнгэхээсээ илүү байгаль дэлхий, гол усаа цэвэрлэж хангай дэлхийгээ баярлуулахыг илүүд үзжээ.
А.САЯН