“Дэлхийн Монголчуудын Глобал Нийгэмлэг”-ээс зохион байгуулж буй "Монгол туургатны мисс"-ийн тэмцээн Улаанбаатар хотноо үргэлжилж байна. Тус тэмцээнд Халимаг, Тува, Буриад, Өвөрмонгол, Монголын төлөөлөл болсон 20 бүсгүй оролцож буй юм.
Тэмцээний "Мисс Гүүдвил" номинацийн хүрээнд "Сүүн дусал" сайн үйлсийн аян зохион байгуулагдах болсноо өнөөдөр хэвлэлийнхэнд мэдээллээ. Аянаар Хоёрдугаар амаржих газрын нярайн тасгийг олон улсын стандартын дагуу тохижуулах ажээ. Тус аянд Монголын үндэсний томоохон үйлдвэрүүд хамтран ажиллаж байгаа бөгөөд нэг өдрийн цалингаа хандивлаж байгаа гэнэ.Тасгийг тохижуулахад нийт 32 сая төгрөг шаардлагатай байгаа ч одоогоор 10 гаруй сая төгрөг цугларчээ. Хандивыг өнөөдөр тус амаржих газрын удирдлагуудад хүлээлгэн өгсөн байна.
А.САЯН