Байгалийн гамшиг хэлж биш хийсч ирдэг. Ямар ч улс орны хувьд гамшиг болоход ямагт бэлэн, бэлтгэлтэй байх ёстой. Энэ утгаараа гамшгийн аюулын дохиогоор ажиллах дадлага, сургуулийг жил бүр улсын хэмжээнд зохион байгуулдаг уламжлалтай. Уг ажлын хүрээнд гамшгийн дуут дохиог 16:00 цагт орон даяар дуугарлаа.
Энэхүү үзүүлэх сургуулилт нь газар хөдлөлтийн гамшгийн аюул тулгарсан үед төрийн болон төрийн бус байгууллага, ерөнхий боловсролын сургууль, цэцэрлэгийн бэлэн байдлыг хангуулах, нийслэл хотод суурилуулсан төвлөрсөн зарлан мэдээлэх хэрэгслийн бэлэн байдал үйлчлэх хүрээг шалгах, иргэдийг гамшгийн аюулын тухай зарлан мэдээлэх дохиогоор ажиллуулж сургах ач холбогдолтой юм.
А.САЯН