Сангийн сайд Болор ийм мэдэгдэл хийлээ. Эрдэнэт үйлдвэрийн үйл ажиллагаа, орлого зарлага, үр ашгийг биш дарга нарын гадаад валютаар цалин авч байсан мэдээллийн мөрөөр шалгалт оруулах болсон нь тодорхой боллоо.
"Эрдэнэт" Үйлдвэрийн дарга нар их хэмжээний мөнгийг өөрсдөдөө хуваарилсан, тэтгэмж тэтгэлэг олгосон, дээр нь валютаар их хэмжээний нэмэгдэл цалинг сар бүр авч байсан нь сангийн яамнаас шалгалт хийх шалтаг шалтгаан болсон байна. Даваацэрэн захирлаасаа өгсүүлээд нийгмийн бодлогын асуудал хариуцсан Сувдаагаар дамжаад нийт дарга нарыг шалгах нь. Хамгийн гол нь Монголд гадаад валютаар цалин олгодоггүй журмыг зөрчсөн нь анхаарал татахад хүрчээ. Ямар ч гэсэн мөнгө хаанаас олох вэ? гэж толгойгоо гашилгаж байсан Болорт бас нэг боломж гэрэлтэх шиг болов. Харин иргэдийн хувьд, "Яагаад" хүмүүс Эрдэнэтийн дарга, даамал болох гээд зүтгээд байдгийн, намын шагналаар тэнд томилогдоод байдгийн бага ч гэсэн учир холбогдол энэ шалгалтаар нээгдэх болов уу гэсэн хүлээлт үүслээ.
Д.ЭНХТҮВШИН
