Зөрчлийн хууль амьдрал дээр хэрэгжихгүй зөрчилтэй хууль болсон байна. Хэрэгжихэд төвөгтэй, асуудал үүсгэсэн, шүүн тунгаахад бэрхшээлтэй, нийгмийг хагалан бутаргах чанартай, монголын хөрсөнд буугаагүй, амьдрал ахуй, зан заншилд харшилсан ийм хууль болсон гэдэг дээр Монголын нийгэм санал нэгдэж эхлэв. “Монголын сайхан гэр бүлийг салахад, үр хүүхдийг өнчрүүлэхэд шууд нөлөөлж буй” гаднын хуулбар хуулийг нэн даруй татахыг УИХ-ын гишүүд, хууль тогтоогчдод уриалж байна гэж академич, гавьяат хуульч С.Нарангэрэл Control цахим телевизийн Комментатор нэвтрүүлэгт орохдоо онцоллоо.
Монголын сэтгүүлчид ч Монголын нийгэмд хор уршиг дагуулсан энэхүү зөрчлийн хуулийг бүрмөсөн татуулсан нь дээр гэдэгт санал нэгдэж, хуулийг татуулах ажлын хэсгийг байгуулсан байна. Тус ажлын хэсгийг Монголын Сэтгүүлчдийн Нэгдсэн Эвлэлийн ерөнхийлөгч Х.Мандахбаяр тэргүүлж, өдөр тутмын сонин, телевиз, радио, сэтгүүл, сайт, орон нутгийн төлөөлөл, хуульчид, хэвлэлийн байгууллагын төлөөллийг багтаасан 28 хүн бүхий ажлын хэсгийг байгуулжээ.
Ц.ХИШГЭЭ
