Нийгмийн хамгаалал, хөдөлмөрийн Яамны сайдаар ажиллаж байхдаа Нийгмийн даатгалын мөнгийг арилжааны банкинд 15 хувийн хүүтэй хадгалуулж байсныг одоогийн сайд Чинзориг харилцахад хадгалж, түүнээс улбаалж жилдээ 10 тэрбум төгрөг алдаж буйг Номтойбаяр гишүүн News.mn сайтад өгсөн ярилцлагадаа тодотголоо.
-Энэ мөнгө бол цалингаа өсгөхийг шаардаж буй 10,000 сувилагчийн л мөнгө шүү дээ. Би тус яамны сайдаар ажиллаж байхдаа 90 тэрбумын үр ашигтай ажилласан. Тэгэхээр үр ашиггүй ажиллаж буй Засгийн газрыг унагах санал гаргавал би кнопоо дарна. Энэ засгийн газар бол МАН-ын амласан Мэргэжлийн Засгийн газар огт биш. Нэг кабинет ч биш. Ерөнхий сайд нь хэн гэдэг нь ойлгогдохоо больсон. Хүрэлбаатар ч юм шиг, Нямдорж ч юм шиг, харагдах болсон. Тиймээс энэ засгийн газрын үйл ажиллагаанд " муу" гэсэн дүн тавьж, огцруулах асуудал сөхөгдвөл, хамгийн түрүүнд дэмжинэ гэж Номтойбаяр хэллээ.
Ц.ХИШГЭЭ
