Хорих 461-р ангид хоригдож байгаад өвчний улмаас Улсын хоёрдугаар эмнэлэгт хүргэгдэж ирсэн С.Баяр, Ч.Сайханбилэг нарыг өнөөдөр суллалаа.
Өнөөдөр Сүхбаатар, Чингэлтэй, Баянзүрх дүүргийн шүүхээс С.Баяр, Ч.Сайханбилэг нарын цагдан хориог цуцлах тухай прокурорын хүсэлтийг хангасан байна. Шүүхээс тэднийг цагдан хорьж таслан сэргийлэх арга хэмжээг өөрчилж, хилийн хориг тавьжээ.
Өчигдөр Нийслэлийн прокурорын газраас С.Баяр, Ч.Сайханбилэг нарыг цагдан хорьж таслан сэргийлэх арга хэмжээг өөрчилж, хилийн хориг тогтоон батлан даалтад гаргах саналыг Эрүүгийн анхан шатны шүүхэд хүргүүлсэн билээ.
Мөн түүнчлэн энэ хэрэгт холбогдуулан хоригдсон Б.Бадралыг ч батлан даалтад гаргасан талаар мэдээлэв. Тэднийг 50 гаруй хоног саатуулахдаа 4-5 удаа мэдүүлэг авчээ.
Б.ХУЛАН
